Skip to main content

Hvað er góður skóli? Gæðastarf í leik- og grunnskólum á mannamáli

Tímamóta ráðstefna um menntamál: „Hvað er góður skóli?“ Gæðastarf í leik- og grunnskólum á mannamáli verður haldin þann 12. apríl næstkomandi í Hofi á Akureyri. Ráðstefnan er ætluð sveitarstjórnarfólki, kennurum, starfsfólki skóla, áhugafólki um skólastarf, foreldrum og nemendum. Dagskráin hefst kl. 09.00 og lýkur um kl. 16.00. Ráðstefnugjaldið er aðeins 3.900 krónur og hægt er að tryggja sér miða hér.

Skólaráðgjafaþjónustan Ásgarður stendur fyrir ráðstefnunni. Á ráðstefnunni koma fram kennarar, skólastjórnendur, ráðgjafar og stjórnendur sveitarfélaga sem þekkja vel notkun gæðaviðmiða til þess að efla gæði skólastarfs. Hagnýt ráð og leiðbeiningar á mannamáli sem henta öllum sem vilja auka gæði nútíma skólastarfs.
Þetta er einstakt tækifæri fyrir sérfræðinga, kennara, skólastjórnendur, foreldra og nemendur til að koma saman og ræða gæði og mikilvægi menntunar í nútíma samfélagi. Við hvetjum alla áhugasama um gott skólastarf í leik- og grunnskólum á Íslandi til að mæta og taka þátt í þessum mikilvægu samræðum.


Kristrún Lind Birgisdóttir eigandi og framkvæmdastjóri Ásgarðs stýrir ráðstefnunni. Aðrir sem fram koma eru: 
  • Þórdís Kolbrún Gylfadóttir Reykfjörð, fjármálaráðherra. Gæðastarfshættir í skólum, fjárfesting til framtíðar. 
  • Nemendur úr Ásgarðsskóla - skóla í skýjunum - Hvað er góður skóli? 
  • Ásta Bjarney Elíasdóttir skólastjóri Breiðholtsskóla Að breyta orðræðu um og við nemendur. 
  • Arndís Anna Jakobsdóttir aðstoðarskólastjóri í Auðarskóla. Námsvísar í leikskólastarfi. Að hafa yfirsýn yfir gæðastarf með aðstoð námsvísa. 
  • Heimir Árnason formaður fræðslu- og lýðheilsuráðs Akureyrarbæjar ávarpar ráðstefnuna og fjallar um innleiðingu menntastefnu Akureyrarbæjar með gæðaráðum leik- og grunnskóla. Skólaprófíll vísar veginn til umbóta. 
  • Gunnþór E. Gunnþórsson ráðgjafi í Ásgarði. Skoðunarvottorð leik- og grunnskóla á mannamáli. 
  • Hulda Birna Kjærnested Baldursdóttir verkefnastjóri í mennta- og mannauðsmálum hjá Samtökum iðnaðarins. Nýsköpun í grunnskólum. Samþætting nýsköpunar, samfélags og atvinnulífs. 
  • Jóhanna María Agnarsdóttir skólastjóri Brekkuskóla. Að koma á skilvirku gæðaráði og ná árangri með gæðastarfi með skipulögðum hætti. 
  • Héðinn Svarfdal. Fyrirmyndarsamstarf við foreldra í leik- og grunnskólum. 
  • Aðalheiður Skúladóttir skólastjóri Giljaskóla. Að finna leiðir til þess að gæðarýna skipulag læsis og bregðast við niðurstöðum PISA 
  • Esther Ösp Valdimarsdóttir skólastjóri Ásgarðsskóla - skóla í skýjunum. Námsmat með nemendum og foreldrum. 
  • Helga María Þórarinsdóttir leikskólastjóri og Ingi Jóhann Friðjónsson aðstoðarleikskólastjóri í Lundarseli/Pálmholti. Þegar gæðaviðmið segja það sem liggur í loftinu. 
  • Kristrún Lind Birgisdóttir eigandi og framkvæmdastjóri Ásgarðs. Persónumiðað skólastarf fyrir öll börn - það er góður skóli!
  • Karítas Sigurlaug Ingimarsdóttir og Steinunn Ragnarsdóttir. Gæðastarf með 5 ára nemendum við Grunnskóla Bolungarvíkur. 
  • Arna Vilhjálmsdóttir og Maggý Hjördís Keransdóttir kennarar. Valda í Skjalda. Kvikmyndahátíð grunnskólanema á Patreksfirði. Gæðavottað nýsköpunarverkefni.
Nánari upplýsingar á Facebook viðburði ráðstefnunnar eða í tölvupósti asgardur@ais.is 

Hlökkum til að sjá sem flest!

Tögg:
Staður: Akureyri, Iceland

Comments

Post a Comment

Vinsælt

Námsvísar - Vegvísar náms í grunnskólum

Ráðgjafar Ásgarðs hafa frá árinu 2017 aðstoðað skóla við að innleiða námsvísa þar sem grunnþættir menntunnar marka áherslur vetrarins í sex meginþemum yfir skólaárið. Námsvísarnir eru sjónrænt skipulag á fyrirhuguðu námi skólaársins og eru gjarnan gerðir í þriggja til fjögurra ára rúllum.  Námsvísar eru einföld leið til þess að ákveða þau megin námsmarkmið sem fyrirhugað er að eigi sér stað á komandi skólaári. Námsvísarnir eins og þeir hafa verið settir fram með samstarfsskólum Ásgarðs gera ráð fyrir því að sex eða færri meginþemu leiði námið á skólaárinu með grunnþætti menntunnar að leiðarljósi. Þannig hafa grunnþættir menntunnar skýr áhrif á val náms í viðkomandi skóla eða á viðkomandi skólastigi.  Á undanförnum árum hafa bæst við kennarateymi sem innan skólanna nýta sér námsvísa til þess að koma sér saman um nám vetrarins og með tímanum safnast námsvísar saman í nokkura ára rúllur sem verða lagðar til grundvallar í framtíðar skipulagi.  Fyrirmynd námsvísanna er að finn...
Post a Comment
Lesa meira »

Persónumiðað skólastarf fyrir öll börn - Það ER góður skóli

Gæði Ásgarðsskóla, skóla í skýjunum hafa verið staðf est, með ytra mati MMR og auðvitað líka með kerfisbundnu innra mati. Námið í skólanum er í samræmi við stefnu skólans, það er sniðið að persónulegum þörfum nemenda, það er unnið lýðræðislega með nemendum, foreldrum og starfsfólk fær þann stuðning sem þarf og innra mat uppfyllir sett skilyrði. Í Ásgarðsskóla er stefnan skýr. Hún hverfist um allt skólastarfið og birtist á hverjum degi í verkefnum nemenda og kennara. Verkaskipting í skólastjórninni er kannski óvenjuleg að einhverju leyti en uppfyllir samt ströngustu skilyrði. Einn sér um fjármál og rekstur og hefur yfirumsjón með gæðamálum . Annar er skólastjóri nemendanna, starfsfólksins og foreldranna og þriðji stjórnandinn er námskrárstjóri .  Fundir eru skipulagðir með stífri fundaáætlun í hverri viku sem aldrei eru felldir niður. Skýr verkaskipting er líka á milli kennara sem byggja á styrkleikum þeirra og kennarar sitja eins fáa fundi og mögulegt er. Það þýðir ekki að kennara...
Post a Comment
Lesa meira »

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »