Ásgarður skólaráðgjöf blogg og greinar

  Umsækjendum er bent á að kynna sér vel stefnu skólans, námsvísi og skólanámskrá á heimasíðu skólans. Vinsamlegast sendið umsóknir á netfangið asgardur@asgardsskoli.is fyrir 15. maí nk.

Kristrún flutti erindi á Byggðaráðstefnu Sambands íslenskra sveitarfélaga og Byggðastofnunnar 27. október 2021. Erindi Kristrúnar fjallaði um skólastarf og byggðamál. Yfirskrift ráðstefnunnar var Menntun án staðsetningar en ráðstefnan fór fram á Hótel Kötlu, Höfðabrekku í Mýrdal. Ráðstefnuna í heild sinni má sjá hér. https://www.byggdastofnun.is/is/moya/page/byggdaradstefnan-2021 og glærur Kristrúnar er að finna hér .

Vigdís Grace og Elísa Björt búa í sitthvorri heimsálfunni þar sem margt er ólíkt. Skólar, vinir og kúltúr hafa mikil áhrif á stelpurnar tvær. Elísa býr á Spáni meðan Vigdís býr í Afríku. Þær báðar eru búnar að vera staddar á þeim stöðum í sirka 2 og hálfan mánuð, þær eru báðar eru í Ásgarðsskóla og búa 7000 km frá hvor annarri, það tekur 1,460 klukkutíma gangandi á milli staða. Spánverjar eru þekktir mest sem kaþólskir trúar en þar á meðan eru Afríku búar með flest öll trúarbrögðin en trúa helst á rétttrúnað/orthodox christian og múslimatrú. Fyrsta sem Elísa tók eftir var bara að hitinn og húsin eru allt öðruvísi en þar á meðan fannst Vigdísi breytingin mikil frá samfélagi og skóla. Vigdís gengur í einkaskóla með ameríska kennara meðan Elísa er í fullum skóla í Ásgarðsskóla. Elísu finnst fínt í Ásgarðsskóla eina sem er það erfiðasta er félagslífið, annars er allt fínt. Vigdís er í ásgarði og amerískum einkaskóla sem heitir QSI, hún segir að ásgarður er æðislegur því þá fær hún séns á þ...

Opið mán, fim og annan hvern fös kl. 14-16 Þú finnur okkur hér! Í skýjunum er félagsmiðstöð sem ungmenni í Ásgarðsskóla í skýjunum stofnuðu fyrir sig og aðra krakka sem kjósa að sækja sitt félagslíf að einhverju leiti í gegn um netið. Í dag eru öll sem taka þátt í starfseminni jafnframt nemendur í Ásgarðsskóla en við viljum gjarnan bjóða fleirum að taka þátt með okkur þegar fram líða stundir. Þau sem skipuleggja starfið kalla sig Æsi og setjast á rökstóla þar sem teknar eru ákvarðanir um starfsemina frá ö-a með stuðningi starfsfólks. Hvert ungmenni má ráða því hvort það vilji setjast á rökstóla og hversu oft en hægt er að fá þátttöku metna innan skólans. Með kosningu og samræðum komust Æsirnir í ár að því að best væri að hafa opið tvisvar í viku, strax eftir skóla, nánar tiltekið milli klukkan 14 og 16 á mánudögum og fimmtudögum. Þett er ekki hvað síst vegna þess að hluti okkar er erlendis og nokkrum klukkustundum á undan. Auk þess er D&D spilað í skýinu annan hvern föstudag frá kl...

Kristrún brá sér í stúdíó á Bylgjunni ásamt Ingibjörgu Ösp Stefánsdóttur forstöðumaður hjá SA þar sem Kristján Kristjánsson tók á móti þeim. Við ræddum um stafrænt menntakerfi og tækifæri sem skapast við stafræna þróun í menntamálum og hvernig tækni og góður grunnur getur orðið til þess að umbreyta starfsumhverfi kennara og námi barna og fullorðinna. Þessi þáttu er upphitun fyrir Menntadag atvinnulífsins sem haldinn verður á morgun mánudaginn 25. apríl í Hörpunni. Kristrún verður þar og heldur umræðunum áfram.

Við í Ásgarði erum stolt af samstarfi okkar við skóla víða um land. Síðan í haust hefur margt breyst hjá okkar samstarfsskólum og er það ekki síst skapandi og skemmtileg verkefni í bland við skýr tengsl við markmið aðalnámskrá og leiðsagnarnám sem hafa haft þau áhrif. Verkefnin okkar byggja öll á samþættingu faggreina, sköpun og mörg þeirra á samvinnu nemenda og áherslum á að nemendur læri að rödd þeirra skipti máli. Nemendur eiga að læra að þeir geta haft áhrif til góðs og að skoðanir þeirra þurfi að heyrast. Við tókum viðtal við kennara á miðstigi í grunnskóla Bolungarvíkur. Þar hefur lengi verið mikið gróska og samstarf við okkur m.a. hjálpað þeim að fóta sig á auðveldan hátt varðandi námsmat byggt á leiðsagnarnámi. Kennararnir voru að vinna með verkefnið okkar Betri heimabyggð, sem byggir á hugmyndafræði um að nemendur sjái möguleika í eigin umhverfi. Svona verkefni henta vel í dreifbýli eða minni þéttbýli þar sem hagur samfélagsins liggur í mannauðnum sem þar ákveður að setjast a...

Fyrir um tveimur árum skrifaði Rósa Eggertsdóttir læsissérfræðingur mjög góða grein sem birtist í Stundinni og hét Um inniviði og 16.000 kennslustundir . Það er óhætt að mæla með lestri þessarar greinar sem fjallar um slaka útkomu ungmenna okkar í Pisa könnunum. Það er eitt og annað sem þarf að ræða betur eða ítarlegra sem kemur fram þarna eins og mikilvægi þess að fjölga tímum í íslensku. Það eru nú þegar ansi margir íslenskutímar en það vantar algjörlega að skoða gæði þeirra. Svo er líka spurning hvort að það sé mikilvægt að hafa alla þessa íslenskutíma ef að þeir skila ekki betri árangri en þetta. Það er nefnilega betra að gera alla tíma að íslenskutíma ef að við ætlum að bæta kunnáttu nemenda. Það skiptir ekki öllu máli að nemandi geti sýni lesskilning í íslensku ef að það færist ekki yfir á önnur fög. Nýverið var undirrituð með fyrirlestur um samþættingu og þar kom fram viðhorf raungreinakennara sem taldi það ekki vera innan síns verksvið að meta íslenskukunnáttu nemenda. Gott og...

Nú í desember fengu við þær gleðifréttir að við fengum veglegan styrk til að búa til heimaskóla í samvinnu og samstarfi við tvo pólska skóla og eina ráðgjafaþjónustu. Verkefnið gegnur út á að þróa, prófa og útfæra heimaskóla í samvinnu og samstarfi við foreldra á Póllandi og á Íslandi. Með tilraunaskólaleyfi skóla í skýjunum og tilkomu Námsgagnatorgsins getum við gert tilraunir sem munu með tímanum breyta hefðbundnu landslagi grunnskólamála. Við erum spennt og gríðarlega þakklát traustinu sem fylgir því að fá að útfæra skemmtileg og skapandi verkefni með okkar eigin fólki og vinum okkar í Póllandi. Við óskum hér með eftir fjölskyldum til að vinna þessa tilraun með okkur fyrir skólaárið 2022 til 2023. Áhugamir vinsamlegast sendið póst á kristrun@ais.is. Gleðilegt nýtt og spennandi ár Kristrún Lind Birgisdóttir Stofnandi og eigandi Ásgarðs og skóla í skýjunum. 

Esther Ösp Valdimarsdóttir hefur verið ráðin skólastjóri Ásgarðs - skóla í skýjunum. Hún tekur við starfinu í dag 1. desember. Esther er með MA í mannfræði með áherslu á börn og kynjafræði auk kennsluréttinda. Esther hefur áratuga reynslu af vinnu með ungmennum, í félagsmiðstöðvum og í kennslu og barnavernd svo fátt eitt sé nefnt. Esther hefur starfað að rannsóknum á högum ungmenna út frá kynjuðu sjónarhorni. Hún hefur hlotið hvatningarverðlaun fyrir framlag til menningarmála og er óþreytandi í að leggja sig fram um að breyta tækifærum ungs fólks svo um munar.  Við óskum Esther til hamingju og hlökkum til að vinna með henni að því að gjörbreyta aðgengi barna að námi.

Kristrún flutti erindi á morgunverðafundi Sambandsins um skólamál. Umræða sem hófst fyrir ári síðan á skólamálaþingi sambandsins. https://youtu.be/zyn5mM6Z3QA

Það heyrist oft í umræðunni að ástæða þess að drengir hafi slakan lesskilning sé að þeir lesi ekki nóg. Fyrir ansi mörgum árum fékk ég spurningu frá föður eins nemandans í umsjónarbekknum um hvernig væri hægt að bæta árangur hans á lesskilningsprófum. Ég nefndi að eina leiðin væri að lesa texta, lesa bækur eða tímarit. Faðirinn svaraði því til að drengir lesi ekki í dag og spurði hvað annað væri hægt að gera. Það sést á þessari spurningu og svari foreldrisins að það sem skipti máli var útkoma drengsins úr prófi en ekki áhyggjur af því að sonurinn les aldrei neitt og var með slakan lesskilning í öllu námi. Annað sem heyrist oft er að nemendur sjái ekki tilgang í því sem við erum að gera og geri því ekkert. Ég hef sjálf nefnt það þegar ég tala um bráðgera nemendur, því ég hef séð að það hjálpar oft að útskýra tilgang verkefna fyrir þeim til að þeir nenni að gera þau. Eitt sem hjálpar er að vera með skýrar verkefnalýsingar, skýr námsmarkmið (hvað á nemandinn að læra?) og flott viðmið um á...

Það er mikilvægt að skrá merka viðburði. Við erum stolt og hrærð yfir því að hafa geta stigið þetta ótrúlega og mikilvæga skref að kenna valgreinar ÞVERT á fámenna skóla á landsbyggðinni. Þetta eykur stærðarhagkvæmni OG þjónustu við ungmenni. Ímyndum okkur að nemendur OG kennarar geti unnið störf við hæfni. Það skiptir kennara líka máli að geta kennt þar sem sérþekking þeirra liggur. Kennari lunkinn í bragfræði á Flateyri getur tekið að sér að vinna með nemendum um land allt á sama tíma og aðrir einblína á menntaskólastærðfræði eða tölvuleikjahönnun. Frábærum áfanga var náði í byrjun september þegar nemendur úr níu mismunandi skólum mættu í tíma í tvær fyrstu valgreinarnar okkar. Flestir höfðu valið tölvuleikjahönnun (og þurftum við því að skipta þeim í tvo hópa) en kennarinn í því fagi er starfandi tölvuleikjahönnuður í Noregi. Hitt valfagið er eitt af verkefnunum okkar sem margir kennarar eru nota þessa dagana og heitir Hver er ég? Valgreinaverkefnin eru samþætt og þar er unnið með f...

Ásgarður - skóli í skýjunum fékk starfsleyfi 18. maí 2021 til að starfrækja þróunarskóla á grunnskólastigi alfarið í skýjunum. Leyfið er veitt til þriggja ára. Menntamálastofnun er falið að fylgjast náið með verkefninu á tímabilinu og munu gera heildarúttekt á tilraunatímabilinu. Við í Ásgarði erum stolt og ánægð með það traust sem ráðherra sýnir okkur með því að heimila starfsemi skólans. Það er tímabært fyrir margra hluta sakir að valkostur um skólastarf án staðsetningar sé fyrir hendi, byggðarsjónarmið vega þungt, frelsi til flæðandi búsetu sem og sem valkostur fyrir börn og ungmenni sem eiga erfitt með margmenni. Það er mikilvægt að fram komi að það er að miklu leyti áræðni og hugrekki sveitastjórnarmanna í Reykhólahreppi að þakka að leyfið er í höfn- ekki síst Árnýjar Haraldsdóttur oddviti Reykhólahrepps og formanni mennta og menningarmálanefndar sem hefur haft óbilandi trú á verkefninu.  Tækifæri við útfærslur á skólastarfi í skýjunum eru fjölmörg. Nemendur tengjast í gegnum ...

Það var gaman að fylgjast með Silfrinu á sunnudaginn, menntamálin í forgrunni og nú að miklu leyti vegna skýrslu sem kom út fyrir ári síðan frá Evrópumiðstöð um nám án aðgreiningar og sérþarfa . Mjög merkilegt plagg sem nú er mikið fjallað um því skýrslan kom nýlega út á íslensku (en skýrslan kom út á ensku fyrir ári síðan). Þorbjörg Helga stóð sig frábærlega og náði að fara vel yfir þann flókna vanda sem blasir við. En mig langar að grípa boltann og halda aðeins áfram með umræðuna. Ég hef tekið eftir því að margir halda að skýrslan um nám án aðgreiningar sé einhverskonar samantekt frá PISA en það er alls ekki rétt. Um er að ræða risa úttekt sem tók tvö ár í framkvæmd, hófst árið 2015 og lauk með útgáfu skýrslunnar í byrjun síðasta árs. Auðvitað er vísað í niðurstöður PISA en þetta er miklu viðameiri úttekt sem byggir á fjölda skólaheimsókna, viðtala og spurningalista sem lagðir voru fyrir alla hagsmunaaðila og öll skólastig.  Ég hvet ykkur til að lesa! En megin áherslan við útt...

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....