Skip to main content

Hið ljúfa læsi; Ritdómur

 

Hið ljúfa læsi; Ritdómur

Hið ljúfa læsi eftir Rósu Eggertsdóttur frá árinu 2019 er nauðsynleg og eiguleg handbók í bókasafn allra sem sinna kennslu barna og ungmenna. Það eru ekki margar nýjar handbækur sem taka á náms- og kennsluskipulagi grunnskólans og kærkomið að bæta í þá flóru. Það var mér bæði ljúft og skilt að skrifa ritdóm í Tímarit um uppeldi og menntun þegar Rúnar Sigþórsson fór þess á leit við mig. Hér er gripið niður í ritdómnum en hann er að finna í heild sinni hér.

"Á heildina litið er Hið ljúfa læsi meistaraverk. Enda þótt titill bókarinnar og vísun í
Byrjendalæsi og Fluglæsi beini sjónum lesanda fyrst og fremst að læsiskennslu er handbókin mun yfirgripsmeiri og myndar ramma um áætlanagerð, kennsluskipulag og námsmat. Bókin dregur upp mynd af framúrskarandi starfsháttum á grunnskólastigi sem hægt er að yfirfæra á allar námsgreinar og flest þau markmið sem kennarar þurfa að ná með
nemendum sínum í þeim greinum sem byggjast á vinnu með tungumál, ritun, framsögn
og skilning. Bókin er eiguleg og nauðsynleg í bókasafn allra sem sinna kennslu barna og
ungmenna".

Kristrún Lind Birgisdóttir

Eigandi og framkvæmdastjóri Ásgarðs 
Staður: Akureyri, Ísland

Comments

Post a Comment

Vinsælt

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Sköpun og leiðsagnarnám í Bolungarvík

Við í Ásgarði erum stolt af samstarfi okkar við skóla víða um land. Síðan í haust hefur margt breyst hjá okkar samstarfsskólum og er það ekki síst skapandi og skemmtileg verkefni í bland við skýr tengsl við markmið aðalnámskrá og leiðsagnarnám sem hafa haft þau áhrif. Verkefnin okkar byggja öll á samþættingu faggreina, sköpun og mörg þeirra á samvinnu nemenda og áherslum á að nemendur læri að rödd þeirra skipti máli. Nemendur eiga að læra að þeir geta haft áhrif til góðs og að skoðanir þeirra þurfi að heyrast. Við tókum viðtal við kennara á miðstigi í grunnskóla Bolungarvíkur. Þar hefur lengi verið mikið gróska og samstarf við okkur m.a. hjálpað þeim að fóta sig á auðveldan hátt varðandi námsmat byggt á leiðsagnarnámi. Kennararnir voru að vinna með verkefnið okkar Betri heimabyggð, sem byggir á hugmyndafræði um að nemendur sjái möguleika í eigin umhverfi. Svona verkefni henta vel í dreifbýli eða minni þéttbýli þar sem hagur samfélagsins liggur í mannauðnum sem þar ákveður að setjast a...
Post a Comment
Lesa meira »