Skip to main content

Sænska og norska í stað dönsku fyrir unglingastig - nokkur pláss laus!

 

Sænska og norska í stað dönsku 

Fyrir nemendur á unglingastigi 

Kennsla hefst mánudaginn 26. ágúst kl. 15.00


Við hjá Ásgarði skólaþjónustu höfum verið að reka Tungumálaskóla fyrir Akureyrarbæ undanfarin misseri. Við erum með nokkur laus pláss í sænsku og norsku sem okkur langar að bjóða ykkur að nýta ef þið eruð með nemendur sem ættu að vera í þeim fögum.  

Kennsla í norsku og sænsku hefst þann 26. ágúst kl. 15.00 í Tungumálaskólanum sem er fjarskóli fyrir nemendur sem eru undanþegnir dönskunámi. Starfsfólk á vegum skóla og ráðgjafarþjónustunnar Ásgarðs (www.ais.is) sér um kennsluna og alla umsýslu. Tímarnir verða á mánudögum milli klukkan 15.00 og 16.00 fram á vor. Við gerum ráð fyrir að nemendur vinni sjálfstætt á milli kennslustunda og geti vonandi nýtt tímann í skólanum á meðan aðrir nemendur eru í dönsku. Hver nemandi fylgir því skóladagatali sem á við þann skóla sem viðkomandi er skráður í. 

Öll kennsla fer fram á netinu sem þýðir að gert er ráð fyrir að nemendur sæki tímana heima hjá sér og noti til þess búnað heimilisins.  Nemendur þurfa næði í umhverfinu og aðgang að nettengdri tölvu með lyklaborði, myndavél og hljóðnema. 

Í aðalnámskrá er gerð grein fyrir hvaða nemendur eigi rétt á sænsku eða norskukennslu. Þar stendur: „Nemendur, sem hafa rétt á að velja norsku eða sænsku, þurfa að búa yfir undirstöðukunnáttu í málunum. Þeir hafa því kynnst samfélaginu, þekkja tjáskiptareglur þeirra og siði. Sumir þessara nemenda hafa málfarslegar og menningarlegar rætur bæði á Íslandi og í Noregi eða Svíþjóð. Mikilvægt er að þessir nemendur fái hvatningu til að viðhalda og styrkja tengsl við land og þjóð. Undirstöðukunnátta, sem nemandi þarf að hafa til að geta stundað nám í norsku eða sænsku, er að skilja allvel talaða norsku/ sænsku, geta lesið og skilið einfalda norska/sænska texta miðað við sinn aldurshóp og geta gert sig skiljanlegan á töluðu norsku/sænsku máli. Þessi lágmarkskunnátta er nauðsynleg til þess að nemendur geti nýtt sér það norskunám/sænskunám sem í boði er“. Öll kennsla í Tungumálaskólanum er þess vegna á 3. stigi. 

Krakkarnir „mæta“ í tímana í gegnum samskiptaforritinu Zoom. Það er hægt að hlaða inn forritinu á tölvur en það er líka hægt að nota Chromebook og komast inn á Zoomið í gegnum vafra. 

Við notum námsumsjónarkerfið Askinn sem kemur í staðin fyrir námsbækur en þar er líka haldið utan um árangur nemenda (www.learncove.askurinn.com). Námsefni Asksins samræmist áherslum menntayfirvalda og byggir ofan á hæfni nemenda. Öll verkefnin eru kyrfilega tengd við áherslur Aðalnámskrár grunnskóla og áhersla er lögð á lykilhæfni, samstarf og samvinnu og ábyrgð á eigin námi. Það er búið að ákveða helstu verkefni vetrarins út frá grunnþáttum menntunar. Námsvísir skólans er lifandi skjal og gæti því breyst eitthvað, en það er hægt að nálgast hann hér fyrir þetta skólaár: Námsvísir 2024 til 2025 Tungumálaskólinn

Norskukennarinn heitir Hallbera Gunnarsdóttir norsk@ais.is og sænskukennarinn heitir Harpa Jónsdóttir svenska@ais.is. 

Verkefnastýra Tungumálaskólans er undirrituð Anna María Þorkelsdóttir annamaria@ais.is - sími: 842-2466 og hef ég yfirumsjón með starfsemi Tungumálaskóla Ásgarðs.

Kostnaður fyrir einstaka nemanda er 150.000 á ári. Fyrir fleiri nemendur í sama skóla, er veittur 10% afsláttur fyrir hópinn. 


        Anna María Þorkelsdóttir 

Verkefnastýra Tungumálaskólans

annamaria@ais.is - sími: 842-2466
Tögg:

Comments

Post a Comment

Vinsælt

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Skera hausinn af?

Það var gaman að fylgjast með Silfrinu á sunnudaginn, menntamálin í forgrunni og nú að miklu leyti vegna skýrslu sem kom út fyrir ári síðan frá Evrópumiðstöð um nám án aðgreiningar og sérþarfa . Mjög merkilegt plagg sem nú er mikið fjallað um því skýrslan kom nýlega út á íslensku (en skýrslan kom út á ensku fyrir ári síðan). Þorbjörg Helga stóð sig frábærlega og náði að fara vel yfir þann flókna vanda sem blasir við. En mig langar að grípa boltann og halda aðeins áfram með umræðuna. Ég hef tekið eftir því að margir halda að skýrslan um nám án aðgreiningar sé einhverskonar samantekt frá PISA en það er alls ekki rétt. Um er að ræða risa úttekt sem tók tvö ár í framkvæmd, hófst árið 2015 og lauk með útgáfu skýrslunnar í byrjun síðasta árs. Auðvitað er vísað í niðurstöður PISA en þetta er miklu viðameiri úttekt sem byggir á fjölda skólaheimsókna, viðtala og spurningalista sem lagðir voru fyrir alla hagsmunaaðila og öll skólastig.  Ég hvet ykkur til að lesa! En megin áherslan við útt...
Post a Comment
Lesa meira »