Skip to main content

Framúrskarandi skólar – árangur umfram væntingar

 

Framúrskarandi skólar – árangur umfram væntingar

Það er óumdeilt að við eigum mikið af gögnum og upplýsingum um að við getum gert betur þegar kemur að því að mennta börnin okkar. Heimurinn breytist hratt en skólakerfið hægt. Tæknin valtar yfir okkur á hraða sem hugur okkar nær ekki utan um.

En þrátt fyrir krefjandi aðstæður, og okkur finnist sem þátttakendum að jörðin sé á hreyfingu undan fótum okkar, þýðir ekkert annað en að setja undir sig hausinn og hefjast handa og setja markið hátt. Við Íslendingar erum yfir höfuð í góðum málum; menntuð þjóð, rík og ættum að geta verið leiðandi í heiminum

þegar kemur að því að mennta börnin okkar. En við þurfum að vinna saman og gera miklar kröfur til hvers annars. Við getum ekki gert ráð fyrir því að samvinna ein og sér skili okkur árangri – en markviss samvinna þar sem við búum okkur til krefjandi vinnureglur mun sannarlega koma okkur af stað.

Í öllum okkar verkefnum þar sem við styðjum heildstætt við skólastofnanir, leik- grunn eða framhaldsskóla er það vinnuregla að setja markið hátt. Við höfum sett okkur viðmið um “Framúrskarandi skóla” þar sem við vinnum að því að:

  • Sýn og stefna skólans sé skýr og skólasamfélagið allt viti hvert er stefnt. Áhersla á samvinnu og einstaklingsmiðað nám.

  • Kennarar eru í reglulegu samstarfi við aðra kennara í svipuðum störfum sem byggir undir fagþekkingu og viðheldur faglegum starfsháttum.

  • Skólastarf uppfyllir öll skilyrði um ytra mat Menntamálastofnunar á þriggja ára fresti. Sjálfsmat er virkur og eðlilegur þáttur skólastarfsins.

  • Allir nemendur sýna ásættanlegar framfarir á milli ára. Námsárangri er haldið til haga á sýnilegan hátt með þátttöku nemenda og foreldra.

  • Kennsluaðferðir eru fjölbreyttar og skýr viðmið um hlutfall kennsluhátta. Starfshættir kennara eru í stöðugri endurskoðun.

  • Námsmat er fjölbreytt og skýr viðmið um hvar og hvernig það birtist. Nemendur og foreldrar taka virkan þátt í námsmati.

  • Samstarf við foreldra og atvinnulífið er reglulegt og sýnilegt og samfélaginu öllu til bóta.

Í einhverjum tilvikum er bætt við þennan lista en þetta eru grunnviðmiðin sem við vinnum með. Með þessum einföldu viðmiðum hefur skólastofnunin eða sveitarfélagið ákveðið að gera betur. Að setja fram eigin viðmið um gæði, hafa þau sýnileg og áberand í skólastarfinu er eðilegur hluti skólastarfs. Lyklatriðið hér er að lofa að gera betur og óska eftir úttekt oftar en yfirvöld menntamála gera ráð fyrir. Og svo má gera enn betur og finna til fleiri viðmið, t.d. viðmið um heilsueflandi skóla, Character Education, PYP (IB), eða hvað sem fellur vel að skólastarfi eða skólaumhverfi hvers skóla.

Það er hlutverk kennara og starfsfólks menntastofnanna að styðja nemendur til þess að hafa trú á sjálfum sér og byggja upp þrautseigju og dug til stórkostlegra verka umfram væntingar. Byrjum á að vera góð fyrirmynd – setja markið hátt, skipuleggja skrefin, meta og halda svo áfram.

Kristrún Lind Birgisdóttir

Framkvæmdarstjóri og eigandi Ásgarðs

Áður birt á trappa.is fyrir nafnabreytingu
Staður: Akureyri, Ísland

Comments

Post a Comment

Vinsælt

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Sköpun og leiðsagnarnám í Bolungarvík

Við í Ásgarði erum stolt af samstarfi okkar við skóla víða um land. Síðan í haust hefur margt breyst hjá okkar samstarfsskólum og er það ekki síst skapandi og skemmtileg verkefni í bland við skýr tengsl við markmið aðalnámskrá og leiðsagnarnám sem hafa haft þau áhrif. Verkefnin okkar byggja öll á samþættingu faggreina, sköpun og mörg þeirra á samvinnu nemenda og áherslum á að nemendur læri að rödd þeirra skipti máli. Nemendur eiga að læra að þeir geta haft áhrif til góðs og að skoðanir þeirra þurfi að heyrast. Við tókum viðtal við kennara á miðstigi í grunnskóla Bolungarvíkur. Þar hefur lengi verið mikið gróska og samstarf við okkur m.a. hjálpað þeim að fóta sig á auðveldan hátt varðandi námsmat byggt á leiðsagnarnámi. Kennararnir voru að vinna með verkefnið okkar Betri heimabyggð, sem byggir á hugmyndafræði um að nemendur sjái möguleika í eigin umhverfi. Svona verkefni henta vel í dreifbýli eða minni þéttbýli þar sem hagur samfélagsins liggur í mannauðnum sem þar ákveður að setjast a...
Post a Comment
Lesa meira »