Skip to main content

A, B, C….. Sprengjugerð!

 

A, B, C….. Sprengjugerð!

Af hverju er ekki hægt að gefa einkunnir í tölustöfum lengur? Er A það sama og 10? Er hægt að fá A? Er hægt að nota bæði bókstafi og tölustafi við námsmat?

Nei, það er ekki hægt að umreikna tölulegt námsmat yfir í hæfnimiðað nám og námsmat. Og til þess að útskýra málið skulum við tala um sprengjugerð.

Í hefðbundinni bekkjarkennslu myndi kennarinn halda fyrirlestur um sprengjugerð og nemendur væru með námsbók þar sem fjallað er um það hvernig á að gera sprengju. Kennarinn myndi fara vandlega yfir efnið og nemendum væri ljóst hvað þau þyrftu að vita áður en hann leggur fyrir þau próf. Hann tekur nokkra tíma í viðfangsefnið og umræður fara fram. Síðan leggur hann fyrir próf, engin samvinna né hjálpargögn. Ef nemandinn svarar 9 atriðum af 10 réttum þá fær sá hinn sami 9.0 á prófinu. Þetta er einfalda útgáfan af þekkingamiðaðri kennslu og námsmati.

Árið 2011 breyttist Aðalnámskráin og nú er okkur uppálagt að auka hlutfall fjölbreyttra kennsluhátta og námsmats –  og færa okkur í auknum mæli yfir í hæfnimiðað kennslu og nám. Það þýðir að ef sami kennari væri að kenna sprengjugerð með hæfnimarkmiðið að leiðarljósi “Að nemandi sé hæfur um að búa til sprengju og sprengja hana” – þá myndi hann jafnvel skipta nemendum í hópa eftir kyni, tvær og tvær stelpur saman og tveir og tveir strákar saman. Hann myndi byrja á því að segja þeim hvað þau ætla að læra í kennslustundinni og kynna þeim hvaða hæfnimarkmið stæði til að vinna með.

Hóparnir myndu síðan fara og viða að sér fjölbreyttu efni til sprengjugerðar, öll hjálpargögn leyfð og hafa mætti samband við sérfræðinga. Langflestir hóparnir myndu leysa verkefnið saman og raunverulega setja saman sprengjuna og sprengja hana. Sumar sprengjurnar myndu springa með miklum hvelli en aðrar með litlum hvelli. Sumir myndu jafnvel þurfa tvær tilraunir þar til verkið heppnaðist.

  • Allir sem kæmust yfir að klára verkefnið, gætu fundið upplýsingarnar, mælt efnið og sprengt sprengjuna fá B, hæfni náð.

  • Hópurinn sem býr til risa sprengju sem springur í lofthjúpnum og dreifir galdradufti yfir heiminn sem verður til þess að stríð geisa aldrei aftur – sá hópur fær A. Árangur umfram væntingar – hæfni náð og meira en það.

  • Hópurinn sem reyndi að lesa sér til skilnings og mæla en gat engan vegin komið sprengjunni saman fær – færni á góðri leið C.

  • Hópurinn sem gerði ekkert í tímanum, tók ekki þátt og gerði enga tilraun til þess að vera með – sá hópur fær D.

  • Hæfnimiðað nám er þrívítt og felur í sér þekkingu á efninu, leikni til að púsla þekkingunni saman og hæfni til að skapa – stundum langt umfram væntingar.

Sprengjugerð er kannski ekki besta dæmið en ég vona að sem flestir geti yfirfært þennan fróðleiksmola yfir á það sem börnin þeirra eru að fást við og yfir á heppilegri verkefni. Mikilvægt er að átta sig á að fyrirgjöf í bókstöfum á ekki að vera fyrir ástundun – heldur hvort hæfni séð náð eða ekki. Ástunduninni þarf að halda kirfilega sér.

Með þessu er samt ekki verið að segja að það megi ekki nota próf sem hluta af námsmati – en þá er enn eftir að meta hinar tvær hliðarnar í þrívíðu námsmati.

Kristrún Lind Birgisdóttir
Framkvæmdastjóri og eigandi Ásgarðs

Áður birt á trappa.is fyrir nafnabreytingu
Staður: Akureyri, Ísland

Comments

Post a Comment

Vinsælt

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Sköpun og leiðsagnarnám í Bolungarvík

Við í Ásgarði erum stolt af samstarfi okkar við skóla víða um land. Síðan í haust hefur margt breyst hjá okkar samstarfsskólum og er það ekki síst skapandi og skemmtileg verkefni í bland við skýr tengsl við markmið aðalnámskrá og leiðsagnarnám sem hafa haft þau áhrif. Verkefnin okkar byggja öll á samþættingu faggreina, sköpun og mörg þeirra á samvinnu nemenda og áherslum á að nemendur læri að rödd þeirra skipti máli. Nemendur eiga að læra að þeir geta haft áhrif til góðs og að skoðanir þeirra þurfi að heyrast. Við tókum viðtal við kennara á miðstigi í grunnskóla Bolungarvíkur. Þar hefur lengi verið mikið gróska og samstarf við okkur m.a. hjálpað þeim að fóta sig á auðveldan hátt varðandi námsmat byggt á leiðsagnarnámi. Kennararnir voru að vinna með verkefnið okkar Betri heimabyggð, sem byggir á hugmyndafræði um að nemendur sjái möguleika í eigin umhverfi. Svona verkefni henta vel í dreifbýli eða minni þéttbýli þar sem hagur samfélagsins liggur í mannauðnum sem þar ákveður að setjast a...
Post a Comment
Lesa meira »