Skip to main content

Lýðræði og mannréttindi – tíu beinagrindir að stigvaxandi þemaverkefnum – og nokkrar kennsluáætlanir

 

Lýðræði og mannréttindi – tíu beinagrindir að stigvaxandi þemaverkefnum – og nokkrar kennsluáætlanir

Trappa ráðgjöf (nú Ásgarður) og Menntamálastofnun ásamt þremur skólum (Grunnskólanum á Hólmavík, Hörðuvallaskóla og Síðuskóla) hófu vinnu í lok síðasta árs við að gera grunnþáttinn lýðræði og mannréttindi sýnilegri í skólastarfi. Einn liður í því var að við myndum skrifa saman kennsluáætlanir að tíu þemaverkefnum undir grunnþættinum og gera þannig tilraun til þess að leggja fram að minnsta kosti eitt gott dæmi um hvernig útfæra má einstaklingsmiðað nám með viðkomandi grunnþátt að leiðarljósi. En margir af okkar kennurum og stjórnendum hafa einmitt kallað eftir því að fá að minnsta kosti eitt gott dæmi um útfærslur á einstaklingsmiðuðu námi í anda Aðalnámskrár.

Því miður var skrúfað fyrir þann hluta verkefnisins í miðju kafi en eftir standa beinagrindur að tíu þemaverkefnum eftir bekkjum sem upplagt er að nýta sem grunn þar sem íslenska, samfélagsfræði og upplýsinga og tæknimennt gætu verið samþætt.

Hér er skjalið – ekki hika við að nýta ykkur það sem grunn að þemaverkefnum. Við ímynduðum okkur að verkefnin gætu náð yfir einhvern tíma – 4-6 vikur til dæmis. Það er reyndar eitt dæmi að kennsluáætlun sem fylgir þemanu “Heimurinn batnandi fer” sem upplagt er að nýta fyrir til dæmis 3. eða 4. bekk og jafnvel yngri. Á óveðursdegi í vetur munum við klára ítarlegri kennsluáætlanir – en þangað til er öllum velkomið að gera skjalið að sínu.

Við erum að safna saman því sem við eigum til af dæmum um kennsluáætlanir. Upphaflega hófum við að taka saman dæmi til þess að auðvelda kennurunum okkar sem við sinnum í sérfræðiráðgjöfinni. Öllum er velkomið að sækja skjölin og gera að sínu. Við erum að reyna að auðvelda kennurum að gera námið einstaklingsmiðaðra, með skapandi starfsháttum með því að leggja fram drög að hugmyndum – kennararnir taka svo dæmin, gera að sínum og koma í framkvæmd. Safnast þegar saman kemur.

Í gegnum verkefnið með Menntamálastofnun kynntumst við meistaranum Önnu Maríu Kortsen Þorkelsdóttur – hún heldur úti síðunni kortsen.is þar sem hún safnar saman öllum sínum verkum og við bendum mjög gjarnan á. Ef við öll hjálpumst að við að deila efni til að auðvelda kennurum landsins að bjóða upp á fjölbreytt og spennandi einstaklingsmiðað nám – með áherslu á nemendalýðræði og þátttöku – þá erum við í góðum málum.

Kristrún Lind Birgisdóttir

Sérfræðingur í kennsluaðferðum og framkvæmdastjóri Tröppu ráðgjafar

Áður birt á trappa.is 
Staður: Akureyri, Ísland

Comments

Post a Comment

Vinsælt

Persónumiðað skólastarf fyrir öll börn - Það ER góður skóli

Gæði Ásgarðsskóla, skóla í skýjunum hafa verið staðf est, með ytra mati MMR og auðvitað líka með kerfisbundnu innra mati. Námið í skólanum er í samræmi við stefnu skólans, það er sniðið að persónulegum þörfum nemenda, það er unnið lýðræðislega með nemendum, foreldrum og starfsfólk fær þann stuðning sem þarf og innra mat uppfyllir sett skilyrði. Í Ásgarðsskóla er stefnan skýr. Hún hverfist um allt skólastarfið og birtist á hverjum degi í verkefnum nemenda og kennara. Verkaskipting í skólastjórninni er kannski óvenjuleg að einhverju leyti en uppfyllir samt ströngustu skilyrði. Einn sér um fjármál og rekstur og hefur yfirumsjón með gæðamálum . Annar er skólastjóri nemendanna, starfsfólksins og foreldranna og þriðji stjórnandinn er námskrárstjóri .  Fundir eru skipulagðir með stífri fundaáætlun í hverri viku sem aldrei eru felldir niður. Skýr verkaskipting er líka á milli kennara sem byggja á styrkleikum þeirra og kennarar sitja eins fáa fundi og mögulegt er. Það þýðir ekki að kennara...
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Námsvísar - Vegvísar náms í grunnskólum

Ráðgjafar Ásgarðs hafa frá árinu 2017 aðstoðað skóla við að innleiða námsvísa þar sem grunnþættir menntunnar marka áherslur vetrarins í sex meginþemum yfir skólaárið. Námsvísarnir eru sjónrænt skipulag á fyrirhuguðu námi skólaársins og eru gjarnan gerðir í þriggja til fjögurra ára rúllum.  Námsvísar eru einföld leið til þess að ákveða þau megin námsmarkmið sem fyrirhugað er að eigi sér stað á komandi skólaári. Námsvísarnir eins og þeir hafa verið settir fram með samstarfsskólum Ásgarðs gera ráð fyrir því að sex eða færri meginþemu leiði námið á skólaárinu með grunnþætti menntunnar að leiðarljósi. Þannig hafa grunnþættir menntunnar skýr áhrif á val náms í viðkomandi skóla eða á viðkomandi skólastigi.  Á undanförnum árum hafa bæst við kennarateymi sem innan skólanna nýta sér námsvísa til þess að koma sér saman um nám vetrarins og með tímanum safnast námsvísar saman í nokkura ára rúllur sem verða lagðar til grundvallar í framtíðar skipulagi.  Fyrirmynd námsvísanna er að finn...
Post a Comment
Lesa meira »