Skip to main content

“Meira af”og “minna af” við þróun starfshátta í kennslustofunni til einstaklingsmiðaðs náms

“Meira af”og “minna af” við þróun starfshátta í kennslustofunni til einstaklingsmiðaðs náms

Eitt af því sem kemur fram í úttekt um framkvæmd stefnu íslenska ríkisins um menntun án aðgreiningar á Íslandi er mikilvægi þess að kennarar fái stuðning til þess að koma til móts við fjölbreyttar þarfir nemendahópsins í skólum landsins. Við hjá Ásgarði (áður Tröppu ráðgjöf) höfum einsett okkur að styðja kennara við að koma í framkvæmd aðferðum í kennslustofunni sem byggja á styrkleikum hvers og eins og auðvelda framkvæmd skapandi hæfnimiðaðs náms í skólum. Þessi einfaldi listi kemur úr bókinni “Making PYP happen; A curriculum framework for international primary education”. IB 2009 – en fjölmargt gagnlegt efni er að finna í innleiðingarheftum sem fylgja með IB námskránni. Á meðan að íslenskir grunn- og framhaldsskólakennarar hafa ekki fengið innleiðingarhefti með Aðalnámskrá grunnskóla frá 2011 höfum við einsett okkur að reyna að styðja við kennara, foreldra, skólastjórnendur og stjórnvöld við að finna til efni sem miðar að því að styðja við framkvæmd einstaklingsmiðaðs náms og menntun án aðgreiningar – þýða efni og staðfæra og styðja skref fyrir skref til þess að börnin okkar allra fái þjónustu við hæfi. 

Listinn er hagnýtur og stuttur en skipt upp eftir greinum. Hafið í huga að sund og verkgreinar eru yfirleitt utan skóla í mörgum erlendum námskrá og samfélagsfræði er í raun félagsvísindi – en allir kennarar ættu að geta tengt við sína eigin starfshætti og komið auga á einfaldar hagnýtar leiðir til þess að koma betur til móts við fjölbreyttar þarfir í kennslustofunni.

Með von um að þetta komi sem flestum að gagni við skipulag vetrarins.

Lauslega þýtt – allar góðar ábendingar þegnar.

Kristrún Lind Birgisdóttir

Sérfræðingur í kennsluaðferðum og framkvæmdastjóri Ásgarðs (áður Tröppu ráðgjafar)

Skjalið er hér – ekki hika við að búa til eigið eintak og gera að vinnuskjali fyrir þig. Skjalið verður uppfært eftir því sem ábendingar berast.


Staður: Akureyri, Iceland

Comments

Post a Comment

Vinsælt

LÆRVEST - Fær styrk frá Sprotasjóði

LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.  LÆR-VEST er faglegt lærdómsamfélag skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011)....
Post a Comment
Lesa meira »

Mælum læsi saman!

Heilmikil umræða hefur átt sér stað um stöðu barna og íslensku skólana. Tölur um læsi fara áfram hnignandi, ádeila á leshraðapróf eykst og töluverðar upphrópanir viðhafðar almennt um ómögulegt skólastarf. Við í Ásgarði vinnum alla daga að því að styðja kennara og skólastjórnendur og stundum sveitastjórnarmenn í því að finna leiðir til þess að bæta almenna kennslu og skólastarf. Skólastjórnendur í tugavís og kennarar í hundraðavís ígrunda á hverjum degi hvað má betur fara og hvaða leiðir eru færar til þess að bæta stöðuna – það getum við staðfest. En rétt er að það má gera betur.  Samkvæmt þeim mælingum sem við nýtum okkur er staða fjölmargra barna og þá sérstaklega drengja komin að þolmörkum og það er óviðunandi. Við getum nefnilega öll brugðist við núna – það er engin ástæða til að bíða – við getum öll brugðist við strax, ekki bara kennararnir – heldur foreldrarnir og samfélagið allt. Læsi er íslenskan, læsi er samskipti, ritun, samræða og tjáning sem við getum öll eflt í daglegum...
Post a Comment
Lesa meira »

Sköpun og leiðsagnarnám í Bolungarvík

Við í Ásgarði erum stolt af samstarfi okkar við skóla víða um land. Síðan í haust hefur margt breyst hjá okkar samstarfsskólum og er það ekki síst skapandi og skemmtileg verkefni í bland við skýr tengsl við markmið aðalnámskrá og leiðsagnarnám sem hafa haft þau áhrif. Verkefnin okkar byggja öll á samþættingu faggreina, sköpun og mörg þeirra á samvinnu nemenda og áherslum á að nemendur læri að rödd þeirra skipti máli. Nemendur eiga að læra að þeir geta haft áhrif til góðs og að skoðanir þeirra þurfi að heyrast. Við tókum viðtal við kennara á miðstigi í grunnskóla Bolungarvíkur. Þar hefur lengi verið mikið gróska og samstarf við okkur m.a. hjálpað þeim að fóta sig á auðveldan hátt varðandi námsmat byggt á leiðsagnarnámi. Kennararnir voru að vinna með verkefnið okkar Betri heimabyggð, sem byggir á hugmyndafræði um að nemendur sjái möguleika í eigin umhverfi. Svona verkefni henta vel í dreifbýli eða minni þéttbýli þar sem hagur samfélagsins liggur í mannauðnum sem þar ákveður að setjast a...
Post a Comment
Lesa meira »