Ásgarður skólaráðgjöf blogg og greinar

  Ávísun á brotthvarf úr framhaldsskólum? Vinur minn er 16 ára og nýbyrjaður í framhaldsskóla – hann telur dagana þar til hann fær bílpróf og eyðir þar af leiðandi tölvert af sínum tíma í að skoða bílaauglýsingar. Hann talar um hestöfl og dekkjastærðir og meðalhraða og síðan tekur við einhver runa um þýskt gæðastál og ryðvarnir – tungumál sem ég tengi afar lítið við. Eftir góðan fyrirlestur um hvaða bíla væri eðlilegast að eiga – eftir aldri kyni og uppruna þá barst talið að skólanum. Vinur minn var nefnilega að fara í próf í íslensku. Forvitni mín var vakin – út á hvað skildi próf í íslensku 1. bekk í framhaldsskóla ganga? Þarna var hann að tala tungumál sem ég kannaðist við. Hann opnaði tölvuna sína og deildi með mér glærusýningunni sem hann átti að nota til að læra fyrir prófið. Ég verð að segja að ég þurfti að lesa slæðurnar aftur og aftur til að trúa mínum eigin augum. Viðfangsefnið í íslensku í 1. bekk á viðskiptafræðibraut var nefnilega MÁLSAGA. Ég tek hér saman nokkrar af þ...

Við brennum fyrir einstaklingsmiðuðu / sérsniðnu námi, okkar leiðarljós í öllu okkar starfi hvetjum við til þess að í auknum mæli velji skólar aðferðir sem eru líklegri en aðrar til þess að koma betur til móts við þarfir nemenda helst á heildstæðan máta. Nánast allt í lífi barna og ungmenna í dag er einstaklingsmiðað/sérsniðið . Þau horfa á sérsniðna dagskrá í sjónvarpinu, þau velja sér íþróttir sem þau vilja stunda, þau velja sér vini og fréttaveiturnar þeirra á Musically, Snapchat og Instagram er sérsniðið út frá þeirra hegðun á netinu – með “dass” af áhrifum frá fylgjendum og vinum. Þegar þau svo koma í skólann er þeim flestum réttar eins námsbækur – oft fá heilu árgangarnir sömu bókina og fylla síðan inn í verkefnabókina sem fylgir með. Allir fá eins – kannski fá þau að fara mishratt yfir- eða sleppa einhverju. Sem sagt – líklega eitt af mjög fáu í þeirra lífi sem er almennt ekki sérsniðið að þeirra þörfum eða áhuga ( og hér er nýjasta skýrslan sem staðfestir að við erum almennt ...

  Drepur skriftarkennsla sköpun? Ég velti þessu fyrir mér þegar ég horfi á meðfylgjandi mynd. Sonur minn hann Tómas hóf skólagöngu sína þegar hann var 5 ára. Hann var þá eins og flest börn á hans aldri búinn að fara í gegnum leikskóla þar sem lögð var áhersla á að kynnast helstu hljóðum, bókstöfum og tölustöfum – allt í gegnum leik í afslöppuðu og kærleiksríku umhverfi. Við bjuggum á þessum tíma í landi þar sem töluð var enska.    Þegar hann hóf grunnskólagöngu sína 5 ára var okkur foreldrunum gerð grein fyrir því að í þessum skóla væri tungumálið nánast heildstætt. Einn af mikilvægum grunnþáttum skólagöngunnar væri sköpun og þannig væri mikilvægt að þau fengju að skapa hver á sinn hátt og vaxa sem einstaklingar – hvert á sinn hátt. Í þessu skólastarfi fór öll vinna barnanna fram í stílabókum eða á óútfylltum skjölum í tölvunni. Við foreldrarnir vorum beðin um að kenna ekki skrift sérstaklega og að kaupa ekki skriftarbækur – heldur miklu frekar að hvetja Tómas til að...

  Kennslustofan; Hólmavík – Akureyri – Hofgarður – New York Við í ráðgjafahópi Ásgarðs (áður Tröppu) erum svo heppin að vera með fjölbreytta innsýn inn í skólastarf – allt frá stefnumótun niður í hjartað á öllu skólastarfi – kennsluna sjálfa. Í vikunni átti sér stað tímamóta verkefni með skemmtilegri samvinnu milli unglinga tveggja lítilla skóla á landsbyggðinni; Grunnskólans í Hofgarði í Öræfasveit og Grunnskólans í Hólmavík. Þeir 672 kílómetrar sem skilja þessa tvo skóla að voru engin hindrun. Nemendurnir unnu í þremur hópum, tveim á Hólmavík og einum í Hofgarði. Umræðuefnið var 9/11 þar sem tímasetning bauð vissulega upp á það. Kennsluaðferðin var leitar- og uppgötvunarnám þar sem unnið var eftir SOLE- leiðbeiningunum en þar er gert ráð fyrir því að spurning eða spurningar stjórni ferðinni í eina kennslustund. Í þessu tilviki höfðu kennararnir komið sér saman um að spurningin væri “Hvað gerðist 11. september 2001 og hvers vegna?”. Krakkarnir fengu 40 mínútur til þess að vin...

  A, B, C….. Sprengjugerð! Af hverju er ekki hægt að gefa einkunnir í tölustöfum lengur? Er A það sama og 10? Er hægt að fá A? Er hægt að nota bæði bókstafi og tölustafi við námsmat? Nei, það er ekki hægt að umreikna tölulegt námsmat yfir í hæfnimiðað nám og námsmat. Og til þess að útskýra málið skulum við tala um sprengjugerð. Í hefðbundinni bekkjarkennslu myndi kennarinn halda fyrirlestur um sprengjugerð og nemendur væru með námsbók þar sem fjallað er um það hvernig á að gera sprengju. Kennarinn myndi fara vandlega yfir efnið og nemendum væri ljóst hvað þau þyrftu að vita áður en hann leggur fyrir þau próf. Hann tekur nokkra tíma í viðfangsefnið og umræður fara fram. Síðan leggur hann fyrir próf, engin samvinna né hjálpargögn. Ef nemandinn svarar 9 atriðum af 10 réttum þá fær sá hinn sami 9.0 á prófinu. Þetta er einfalda útgáfan af þekkingamiðaðri kennslu og námsmati. Árið 2011 breyttist Aðalnámskráin og nú er okkur uppálagt að auka hlutfall fjölbreyttra kennsluhátta og námsmats ...

  Ráðgjöfin er að stækka - fleirum gefst kostur á að vera með Við hjá Tröppu ráðgjöf horfum fram á veginn og höfum hafið undirbúning að næsta skólaári. Við höfum fjölgað ráðgjöfum og getum tekið að okkur verkefni og þjónustu fyrir fleiri sveitarfélög frá 1. ágúst 2018. Í okkar vinnu er áherslan yfirleitt að renna styrkum stoðum undir skólastarf með því koma fram með leiðir sem einfalda störf í skólunum svo starfsfólk skólanna geti einbeitt sér að því sem það er best í, að vera með börnum, skipuleggja nám, kennslu og þróun. Markmiðið er ávallt að sveitarfélög geti boðið upp á framúrskarandi skóla. Ráðgjöf Tröppu sérhæfir sig í: Skólaskrifstofa til leigu Trappa ráðgjöf býður upp á almenna lögbundna stoðþjónustu við skóla og sveitarfélög, fjölbreyttar lausnir á stórum og litlum verkefnum sem skólastjórar, millistjórnendur, skólaskrifstofur og fræðslustjórar sinna gjarnan en oft er heppilegra að fela öðrum. Reglubundinn stuðningur og fagráðgjöf er frábær leið til þess að létta álagi af...

  Framúrskarandi skólar – árangur umfram væntingar Það er óumdeilt að við eigum mikið af gögnum og upplýsingum um að við getum gert betur þegar kemur að því að mennta börnin okkar. Heimurinn breytist hratt en skólakerfið hægt. Tæknin valtar yfir okkur á hraða sem hugur okkar nær ekki utan um. En þrátt fyrir krefjandi aðstæður, og okkur finnist sem þátttakendum að jörðin sé á hreyfingu undan fótum okkar, þýðir ekkert annað en að setja undir sig hausinn og hefjast handa og setja markið hátt. Við Íslendingar erum yfir höfuð í góðum málum; menntuð þjóð, rík og ættum að geta verið leiðandi í heiminum þegar kemur að því að mennta börnin okkar. En við þurfum að vinna saman og gera miklar kröfur til hvers annars. Við getum ekki gert ráð fyrir því að samvinna ein og sér skili okkur árangri – en markviss samvinna þar sem við búum okkur til krefjandi vinnureglur mun sannarlega koma okkur af stað. Í öllum okkar verkefnum þar sem við styðjum heildstætt við skólastofnanir, leik- grunn eða framha...